BAKWATA SINGIDA YAMALIZA SINTOFAHAMU YA WANAFUNZI WA KIISLAM KUZUILIWA KWENDA KUSWALI

 Mzee Salumu Mrisho (kulia) wa Kata ya Kintinku akiwa amekumbatiana na Mwalimu Mkuu wa Shule ya Msingi Kintinku, Mateso Bwire kuonesha ishara ya kumaliza sintofahamu iliyoibuliwa na mzee huyo akidai mwalimu huyo anawazuia watoto wake kwenda kuswali.

...............................................

Na Dotto Mwaibale, Singida

BARAZA Kuu la Waislamu Tanzania (BAKWATA) Mkoa wa Singida chini ya Sheikh wa mkoa huo, Issa Nasoro limefanikiwa kumaliza sintofahamu ambayo ilileta taharuki baada ya mzazi mmoja wa Kata ya Kintinku Salumu Mrisho kudai kwamba Mwalimu Mkuu wa Shule ya Msingi Kintinku, Mateso Bwire amewazuia watoto wake wannne ambao ni wanafunzi wa shule hiyo kwenda kuswali siku ya Ijumaa hivyo kukosa fursa na haki ya kuabudu.

Mrisho alitoa madai hayo baada ya kujirekodi na kuyarusha katika mtandao jambo ambalo lilileta taharuki miongoni mwa jamii lakini Februari 19, 2024 wajumbe wa BAKWATA Mkoa wa Singida wakiongozwa na Sheikh Issa Nasoro walifika katika shule hiyo na kuzungumza na walimu na kisha kwenda nyumbani kwa Mzee Mrisho na kufanya naye mazungumzo ambayo yalileta tija na kumaliza changamoto iliyojitokeza ambapo wote kwa pamoja wakiwepo walimu wa shule hiyo walishikana mikono na kufanya dua kuashirikia kuanza maisha mapya yaliyojaa upendo, amani na mshikamano baina ya pande zote.

Wakati huohuo baada ya kuitatua changano hiyo Sheikh Nassoro aliwaongoza baadhi ya waislamu wa Manyoni kumfanyia dua ya Mama wa Mwanazuoni Sharif Sayyed Jaafar-Al-beidh, Hababa Ummul-Khayr aliyefariki Februari 16, 2024 huko Lam Mombasa nchini Kenya.

Akizungumza wakati wa dua hiyo iliyofanyika Msikiti wa Ijumaa mjini Manyoni Sheikh Nawawl Salim Itara Mudir wa Chuo cha Jaamiul- Farouq kilichoasisiwa na Sharif Sayyed Jaafar-Al-beidh alisema kifo cha mama huyo kimewasikitisha waislam wengi waliokuwa wamemfahamau na ndio maana wameamua kumfanyia heshima ya kidini kwa kumfanyia dua hiyo kutokana na kazi kubwa anayoifanya mtoto wake Sharif Sayyed Jaafar-Al-beidh.

Sheikh Itara alisema Sharifu Jaafar ni Mwanazuoni Mkubwa ambaye anafanyakazi ya kulingania upande wa Afrika Mashariki na Dunia kwa ujumla na mtu muhimu sana katika kueneza dini ya kiislam.

"Sharifu Jaafar tumekuwa tukishirikiana naye kwa muda mrefu licha ya kuwa yupo nchini Kenya amekuwa akifika hapa Manyoni kila wakati na kujumuika naye mambo mbalimbali ya kiimani," alisema Sheikh Itara.

Mzee Salumu Mrisho (kushoto) wa Kata ya Kintinku akionesha upendo kwa kumpatia tikiti maji Mwalimu Mkuu wa Shule ya Msingi Kintinku, Mateso Bwire kuonesha ishara ya kumaliza tofauti zao.

Viongozi mbalimbali wa BAKWATA, Walimu wa Shule ya Msingi Kintinku iliyopo Wilaya ya Manyoni mkoani Singida wakiwa katika picha ya pamoja baada ya kikao kilichomaliza changamoto ya baadhi ya wanafunzi kudaiwa kuzuiliwa kwenda kuswali siku ya Ijumaa. 

Safari ya kwenda kwa Mzee Salumu Mrisho ikifanyika.

Kikao kikifanyika nyumbani kwa mzee Mrisho.

Zawadi ya tikitimaji ikitolewa kwa Polisi Kata.

Chakula kikiliwa kwenye dua la kumuombea Mama wa Mwanazuoni Sharif Sayyed Jaafar-Al-beidh, Hababa Ummul-Khayr aliyefariki Februari 16, 2024 huko Lam Mombosa nchini Kenya.

---ANGALIA  VIDEO  CHINI---