WAZIRI MKUU AKIKAGUA ATHARI ZA MAFURIKO MLIMBA MOROGORO

Mkuu wa Mkoa wa Morogoro, Adamu Malima  akimpokea Waziri Mkuu Kassim Majaliwa leo Aprili 16, 2024 alipowasili Halmashauri ya Mlimba, Wilaya ya Kilombero mkoani Morogoro kujionea athari zilizosababishwa na mafuriko yaliyotokana na mvua kubwa zinazoendelea kunyesha nchini.

..............................

Na Mwandishi Wetu, Morogoro

WAZIRI Mkuu Kassim Majaliwa leo Aprili 16, 2024 amewasili Halmashauri ya Mlimba, Wilaya ya Kilombero Mkoani Morogoro ambapo atakagua athari zilizosababishwa na mafuriko yaliyotokana na mvua kubwa zinazoendelea kunyesha nchini katika maeneo ya Taweta, Masagati, Utengule na Malinyi.

Pia Mheshimiwa Majaliwa atazungumza na wananchi waliothirika na mafuriko hayo.

Aidha, Mheshimiwa Majaliwa pia ataelekea Wilaya ya Rufiji mkoa wa Pwani ambapo pia atakagua athari za mafuriko pamoja na kuzungumza na wananchi katika maeneo ya Muhoro na Chimbi.

Waziri Mkuu Kassim Majaliwa akipokelewa na Mkuu wa Mkoa wa Morogoro, Adamu Malima.

Waziri Mkuu Kassim Majaliwa akiwa ndani ya Helkopta akiangalia athari za mafuriko hayo.

Waziri Mkuu Kassim Majaliwa akielekea kuangalia athari za mafuriko hayo pamoja na kuzungumza na wananchi.