CCM WILAYA YA IKUNGI YAJIVUNIA MAFANIKIO LUKUKI MIAKA 47 TANGU KUZALIWA KWAKE

Mwenyekiti wa Chama Cha Mapinduzi (CCM) Wilaya ya Ikungi mkoani Singida Mika Likapakapa ,akihutubia wananchi na Wana CCM katika sherehe za kuadhimisha miaka 47 tang kianzishwe chama hicho Februari 5, 1977 zilizofanyika kiwilaya Kata ya Puma. 

................................................

Na Dotto Mwaibale, Singida

MWENYEKITI wa Chama Cha Mapinduzi (CCM) Wilaya ya Ikungi mkoani Singida, Mika Likapakapa amesema wilaya hiyo inajivunia mafanikio lukuki yaliyopatikana katika kipindi cha miaka 47 tangu kuzaliwa kwa chama hicho Februari 5, 1977.

Akizungumza katika sherehe za maadhimisho ya miaka 47 tangu kuzaliwa kwa CCM yaliyofanyika kiwilaya Kata ya Puma Februari 3, 2024 alitaja baadhi ya mafanikio wanayojivunia ni miradi mbalimbali ya maendeleo iliyofanywa na Serikali kwa gharama kubwa si kwa Ikungi tu bali kwa nchi nzima ambapo alimtaka kila kiongozi katika wilaya hiyo kuyatangaza mafanikio hayo ya Serikali ya kwanza hadi ya awamu ya sita chini ya Rais Samia Suluhu Hassan ili wananchi wayajue na kuendelea kukiamini cha hicho.

Alitaja baadhi ya mafanikio hayo kuwa ni ujenzi wa vituo vya afya, zahanati, maji, shule za sekondari na msingi, miundombinu ya barabara na kufikisha umeme katika vijiji vyote isipokuwa vijiji sita tu ambavyo vitafikishiwa Disemba mwaka huu.

Alisema ndani ya Kata 28 zilizopo kwenye wilaya hiyo kuna shule za msingi, sekondari, vituo vya afya na zahanati zimejengwa na kuwa hapo awali wananchi walikuwa wakilazimika kuchangia ujenzi wa shule hizo na ununuzi wa madawati.

Likapakapa alitumia nafasi hiyo kuwapongeza wabunge Elibariki Kingu wa Jimbo la Singida Magharibi na Miraji Mtaturu wa Jimbo la Singida Mashariki kwa kazi kubwa wanayoifanya ya kuwaletea wana Ikungi maendeleo kwa kushirikiana na madiwani wa wilaya hiyo pamoja na wataalamu mbalimbali.

Aidha, Likapakapa aliwahimiza wananchi kujishughulisha na kilimo, kusomesha watoto, kutojiingiza katika mapenzi ya jinsia moja (ushoga na usagaji) na kupinga vitendo vyote vya ukatili wa kijinsia kwani mambo hayo ni kauli mbiu ya CCM.

Mwenyekiti wa Halmashauri ya Wilaya ya Ikungi Ally Mwanga alisema katika kipindi hiki cha miaka 47 wanajivunia kuona Serikali ikitoa fedha nyingi za miradi mbalimbali katika wilaya hiyo na kueleza kuwa katika awamu hii ya Serikali ya awamu ya sita fedha nyingi zimemwagika kwenye miradi na kuwa halmashauri hiyo siku zote imekuwa ikitekeleza maagizo ya Serikali na kuwa imehimarika.

Katibu wa CCM Wilaya ya Ikungi Stamili Dendego akimkaribisha mgeni rasmi wa sherehe hiyo alitumia nafasi hiyo kuwashukuru wananchi wa kata hiyo kwa kufika kwa wingi na kueleza kuwa sherehe hizo katika wilaya hiyo zimefanikiwa kutokana na ushirikiano mkubwa baina ya viongozi na wananchi PAMOJA na wana CCM.

Dendego alisema katika maadhimisho hayo kazi mbalimbali zilifanyika zikiwemo za kufanya usafi, kupanda miti kuzungunga Zahanati ya Kijiji cha Puma na Shule ya Sekondari ya Puma, kugawa zawadi kwa wanafunzi wa shule hiyo ambapo pia alipokelewa Joramu Ntandu aliyekuwa kiongozi wa chama cha ACT Wazalendo ambaye alihamia CCM.

Mbunge wa Jimbo la Singida Mashariki, Miraji Mtaturu akizungumza kwa niaba ya Mbunge mwenzake, Elibariki Kingu alisema katika kipindi hicho cha miaka 47 tangu tupate uhuru mwaka 1961 Tanzania imebadilika kwa kuwa na maendeleo makubwa hivyo tunakila sababu ya kumshukuru Rais Dkt. Samia Suluhu Hassan kwa kazi kubwa anayoifanya ya kuliletea Taifa maendeleo.Mwenyekiti wa Chama Cha Mapinduzi (CCM) Wilaya ya Ikungi mkoani Singida Mika Likapakapa akishiriki kupanda mche wa miti katika eneo la la kituo cha afya cha Kata ya Puma ikiwa ni moja ya shughuli za sherehe hiyo.

Vijana wa Itifaki wa CCM wakimkabidhi maua Mika Likapakapa mara baada ya kuwasili kwenye maadhimisho hayo.

Vijana wa Itifaki wakiwa tayari kwa mapokezi ya Mika Likapakapa ambaye alikuwa mgeni rasmi katika maadhimisho hayo.

Mbunge wa Singida Mashariki, Miraji Mtaturu akishiriki kupanda miti wakati wa maadhimisho hayo.

Mwenyekiti wa CCM Wilaya ya Ikungi, Mika Likapakapa (kulia) akiongoza kufanya usafi katika viwanja vya Zahanati ya Puma.

Usafi ukifanyika Zahanati ya Puma.

Viongozi mbalimbali wakiwa wameshika piche ya miti tayari kwa kuipanda katika viwanja vya Shule ya Sekondari ya Puma.

Mkuu wa Wilaya ya Ikungi, Thomas Apson, akishiriki kupanda mche wa mti.

Mwenyekiti wa Halmashauri ya Wilaya ya Ikungi, Ally Mwanga, akishiriki kupanda mche wa mti.

Katibu wa CCM Wilaya ya Ikungi, Stamili Dendego akipanda mti.

Mwenyekiti wa CCM Wilaya ya Ikungi, Mika Likapakapa, akimkabidhi Mkuu wa Shule ya Sekondari ya Puma,  vifaa mbalimbali vya shule kwa ajili ya wanafuzi wa shule hiyo.

Mwenyekiti wa CCM Wilaya ya Ikungi, Mika Likapakapa, akikabidhi vifaa hivyo kwa wanafunzi wa shule hiyo.

Mwenyekiti wa Halmashauri ya Wilaya ya Ikungi, Ally Mwanga akizungumza.

Viongozi wakiwa meza kuu.

Mbunge wa Singida, Mashariki Miraji Mtaturu (kulia) akizungumza na madiwani wakati wa maadhimisho hayo.

Mwenyekiti wa CCM Wilaya ya Ikungi, Mika Likapakapa, akimkabidhi kadi Joramu Ntandu aliyekuwa kiongozi wa chama cha ACT Wazalendo ambaye amehamia CCM.

Wakina mama wakiwa kwenye maadhimisho hayo.

Mbunge wa Singida Mashariki, Miraji Mtaturu, akisalimiana na wazee wa Puma wakati wa maadhimisho hayo

BOFYA 

---KUANGALIA VIDEO---