RC TABORA AKABIDHI VITAMBULISHO VYA TAIFA 600,000 KWA WANANCHI

Mkuu wa Mkoa wa Tabora Balozi Dkt Batilida Burian akizungumza na wadau mbalimbali  wakati wa zoezi la kukabidhi vitambulisho vya Taifa zaidi ya 600,000 vilivyotolewa kwa wananchi Februari 14, 2024.

...............................................

Na Nyamizi Moses Tabora

MKUU wa Mkoa wa Tabora Dkt Batilida Burian amekabidhi vitambulisho vya NIDA zaidi ya 600,000 kwa wananchi wa mkoa huo ikiwa hatua ya kwanza ya ugawaji wa vitambulisho hivyo.

Akikabidhi vitambulisho hivyo mjini Tabora katika hafla fupi ilifanyika kwenye ukumbi wa mkuu wa mkoa wa Tabora,  Dkt Burian amesema hatua hiyo ya Serikali ya kugawa vitambulisho Kwa wananchi,  itasaidia kuodoa usumbufu kwao wa kukosa namba ya NIDA au kitambulisho pindi vinapohitajika katika taasisi mbalimbali Kwa ajili kutatua matatizo yao.

Alisema jumla ya vitambulisho vipatavyo milioni 6 na laki 8 vimeletwa mkoani Tabora ili vigawiwe Kwa wananchi ambao walijiandikisha kupata vitambulisho hivyo tangu zoezi la vitambulisho kuanza hapa nchini.

 "Nichukue fursa hii kuishukuru Serikali ya awamu ya sita chini ya uongozi wa  Rais Samia  kwa kuleta vitambulisho hivi Kwa wananchi wa Mkoa wa Tabora, kwani itakuwa ni mwarobaini wa kutatua kero Kwa wakazi wa mkoa wa Tabora, alisema Dkt Burian.

Aidha amesema kuwa malalamiko mengi ya wananchi yalikuwa ni kukosekana  kwa vitambulisho vya Taifa (NIDA) hali  ambayo ilikuwa ikileta mahusiano mabaya kati ya Serikali na wananchi wake na kuona Serikali imeshindwa kutatua kero hiyo.

Amesema kwamba hali hiyo,  pia ilipelekea wananchi wengi kukosa huduma muhimu mbalimbali ikiwemo kusajili laini za simu, kufungua akaunto benki na hata kumwekea mtu dhamani ndugu pindi vinapohitajika.

Kwa upande wao baadhi ya wananchi hao ambao walikabidhiwa vitambulisho vyao ni pamoja na Thomas Shija na Josephina Benedict, ambao wameishukuru Serikali ya Jamhuri ya Muungano wa Tanzania kwa kuwaletea vitambulisho vyao kwani awali walikuwa wakipata tabu sana katika shuguli zao hasa wakati wa kutatua matatizo yao, huku Katibu wa Siasa na Uenezi wa CCM Mkoa wa Tabora  Iddi Mambo akisema CCM itaendelea kutekeleza kwa vitendo ilani yake ya uchaguzi kwa kutatua kero za wananchi.

Alisema CCM Mkoa wa  Tabora itahakikisha kwamba kero mbalimbali za wananchi zinapungua hasa kwa kuendelea kuisukuma Serikali kuongeza kasi katika upatikanaji wa vitambusho vya NIDA na namba za NIDA  kwa wakati.

Mkuu wa Mkoa wa Tabora Balozi Dkt Batilida Burian, akiwa tayari kwa kukabidhi vitambulisho hivyo.