MCHUNGAJI MASUNYA : UTITIRI WA MAKANISA, MISIKITI HAUJASAIDIA KUONDOA UOVU

Katibu wa Shujaa wa Maendeleo na Ustawi wa Jamii Tanzania  (SMAUJATA) Manispaa ya Singida, Hawa Ntandu  (kushoto) akimsaidia Mwenyekiti wa Smaujata Mkoa wa Singida, Ambwene Kajula wakati akitoa heshima za mwisho na kuuaga mwili wa kaka yake David Stephen Kajula aliyefariki Machi 28, 2024 na kuzikwa Machi 31, 2024 katika makaburi ya Kinondoni jijini Dar es Salaam.

................................

Na Dotto Mwaibale, (Singidani Blog)

MCHUNGAJI Charles Masunya wa Kanisa la Waadiventista Wasabato la Mwembechai jijini Dar es Salaam amesema uwepo wa makanisa, Misikiti na Mahekalu mengi hayajasadidia kuondoa uovu wa binadamu.

Masunya aliyasema hayo wakati akihubiri kwenye ibada maalumu ya kuuaga mwili wa Mtaalamu wa Teknolojia ya Habari na Mawasiliano (TEHAMA) David Kajula ambaye alifariki Machi 28,  2024 katika Hospitali ya Taifa ya Muhimbili (MNH) alikokuwa amelazwa akipatiwa matibabu ya ugonjwa wa figo.

"Zamani makanisa yalikuwa machache sana nawalioenda kanisani walikuwa wachache na uovu ulikuwa mchache lakini leo makanisa ni mengi, misikiti na mahekalu pia ni mengi sana, angalia kama hili kanisa letu ni kubwa sana lina eneo la chini na juu (ghorofa) na linaweza kuingiza watu hadi 2000, nenda katika mikusanyiko utakuta mamilioni ya wakristo, waislamu na watu wengine wa kila ya imani lakini wingi wao haujaondoa uovu na makanisa yamekuwa ni zizi la watenda dhambi," alisema Masunya.

Mchungaji Masunya akisoma neno la Mungu kutoka kitabu cha ufunuo sura ya 21 alisema anayefutwa machozi sio kufufuka kwa ndugu zetu bali ni Mungu hivyo ile dhana ya uwepo wa ndugu zetu mbinguni ambao watawafuta machozi haipo.

Alisema ni vizuri kufarijiana kama wanavyofanya katika tukio hilo la ibada ya mpendwa wao David Kajula huku wakiamini ipo siku watakuja kukutana na marehemu mbinguni  lakini ukweli ni kwmba tukio hilo haliwezi kubadilisha historia ya marehemu kwa kile alichokiandika kwenye mtihani wake iwe kwa maombi, kuletwa kanisani  na kupelekwa kaburini kwani alisimama kwa upande wake na iwapo alisimama upande wa Mungu atapokelewa na Mungu na kama hakusimama upande wa Mungu basi historia na mtihani wake umekwisha fungwa.

Masunya aliwataka watu wote waliokuwa kwenye ibada hiyo na maeneo mengine  kujiandaa kwa kutenda mema mbele za Mungu katika siku zote za maisha yao hapa duniani ili mwisho wa maisha yao uwe mwema.

Kwa upande wake Mchungaji Moses Nyange wa kanisa hilo Usharika wa Kiharaka alisema kifo hakivumiliki kwani vyombo mbalimbali duniani vimeweza kuzuia vita na kupata afya njema lakini wameshindwa kuzuia kifo hivyo kila mtu anawajibu wa kuyaandaa maisha yake kupitia imani yake

Mzee Simon Nicholau akizungmza kwa niaba ya familia ya Kajula kwanza kabisa alielekeza shukurani zake kwa Mungu ambaye amekuwa akitupa uhai kwa kuzingatia kuwa duniani watu wote ni wasafiri na kuwahimiza kufunga mikanda na pale anapoona wakikahidi basi ushika breki kidogo kwa lengo la kuwakumbusha. 

"Napenda kutoa shukrani kwa kanisa hili kwani mmekuwa wakati ule wa msiba wa Mama  Kajula na Mzee Stephen Kajula pia tunatoa shukrani zetu kwa kila mmoja wenu aliyefika kutufariji pale nyumbani Kijichi hadi leo hii ni Mungu tu ndiye atakaye walipa," alisem Mzee Nicholau.

Katika mazishi ya David  Kajula yalihudhuriwa na ndugu jamaa na marafiki wakiwepo Mashujaa wa Maendeleo  na Ustawi wa Jamii Tanzania (SMAUJATA) kutoka Mkoa wa Singida ambao walifika  kumpa pole dada yake marehemu, Ambwene Kajula ambaye ni Mwenyekiti wa Smujata Mkoa wa Singida.

Waliowawakisha Smaujata kutoka Singida ni Katibu wa Smujata wa mkoa huo, Juma Maftah na Katibu wa Smaujata Manispaa ya Singida, Hawa Ntandu.

Marehemu  David Kajula ameacha  watoto wawili wa kike ambao ni Joyce na Ambwene na amezikwa makaburi ya Kinondoni jijini Dar es Salaam Mchi 31, 2024.

Mashujaa kutoka Singida Hawa Ntandu (kushoto)akimsaidia Mwenyekiti ambaye ni Katibu wa Smaujata Mkoa wa Singida na Katibu wa Smaujata Mkoa wa Singida, Juma Maftah wakiwa kwenye ibada ya kuuaga mwili wa kaka ya Ambwene Kajula.

  Mchungaji wa Kanisa la Waadiventista Wasabato la Magomeni Mwembechai , Charles Masunya akiwafariji watoto wa marehemu David Kajula wakati wa ibada hiyo.  

Mchungaji Charles Masunya akihubiri wakati wa ibada hiyo.

Mwakilishi wa familia ya Kajula Mzee Simon Nicholau akitoa neno la shukrani.

Mchungaji Moses Nyange kutoka Kanisa la  Waadiventista Wasabato Usharika wa Kiharaka akiongoza ibada ya maziko.

        Mzee Solomon Mtae ambaye ni Familia Friend na ya Mzee Stephen Kajula akiomba sala ya ya kuhitimisha ibada hiyo ya maziko.

Wanafamilia wakiwa kwenye ibada hiyo.

Ibada ikiendelea

Ibada ikiendelea

Mashemasi wa kanisa hilo wakiwa wamebeba jeneza lenye mwili wa David Kajula,

Jeneza lenye mwili wa David Kajula likiwa katika kanisa hilo.

Familia ya marehemu ikishiriki kuimba wimbo wa kusifu wakati wa ibada hiyo.

Mzee wa kanisa hilo John Odera akiongoza itifaki wakati wa ibada hiyo.

Heshima za mwisho kwa mwili wa marehemu zikitolewa.

Huzuni ukitamalaki wakati wa kuuaga mwili wa mpendwa wao David Kajula.

Heshima za mwisho kwa mwili wa marehemu zikitolewa

Mtoto wa marehemu wakilia kwa uchungu wakati wa kuuaga mwili wa baba yao.

Watoto wa marehemu wakilia kwa uchungu wakati wa kuuaga mwili wa baba yao.

Huzuni ukitamalaki wakati wa mazishi ya David Kajula.

Taswira ya maziko ya David Kajula katika Makaburi ya Kinondoni.

Watoto wa marehemu wakiweka mashada kwenye kaburi la baba yao.

David Kajula enzi za uhai wake

 Mashada yakiwekwa kaburini.