Kikosi cha Timu ya Tabora United hapo kesho kitashuka katika Uwanja wa Ali Hassan Mwinyi kwa ajili ya mchezo wa Ligi Kuu ya NBC Soka Tanzania bara dhidi ya JKT Tanzania utakaochezwa saa 16:00 jioni.
Tabora United chini ya kocha Mkuu Denis Goavec imefanya maandalizi yake ya mwisho leo kabla ya mchezo hapo kesho na kwamba licha ya kuwakosa nyota hao bado kikosi kiko imara kutokana na kwamba kila mchezaji nimuhimu ndani ya klabu.
Nyuki hao wa Tabora kesho wataingia Uwanjani ikiwa ni baada ya kupita takribani mwezi mmoja tangu ilipocheza katika Uwanja huo wa nyumbani Machi Nne dhidi ya Coastal Union nakupata ushindi wa goli moja kwa sifuri.
“Tunakwenda kwenye mchezo wa kesho ambao kimsingi tunafahamu utakuwa na ushindani mkubwa, lakini kama Tabora United tumejipanga kukabiliana na ushindani huo na tunaimani kuwa tutafanya vizuri kwa ajili ya kuwapa furaha mashabiki zetu.
Kwa upande wa Afya za wachezaji wote wapo vizuri hakuna mwenye changamoto yoyote ya majeraha na kwamba mashabiki wajitokeze kwa wingi ili kuwaunga mkono vijana wetu ambao wanakwenda kuupambania Mkoa wetu wa Tabora.
0 Comments