DC IKUNGI: NGOs ZITAKAZOKWENDA KINYUME SINGIDA KUFUTIWA USAJILI WAKE

Mkuu wa Wilaya ya Ikungi, Thomas Apson, akizungumza kwa niaba ya Mkuu wa Mkoa wa Singida, Halima Dendegu ambaye alikuwa mgeni rasmi kwenye Jukwaa la Mashirika Yasio ya Kiserikali (NGOs) mkoani hapa Agosti 21, 2024.

………………………….

Na Dotto Mwaibale

MKUU wa Wilaya ya Ikungi, Thomas Apson amesema Shirika lolote lisilo la Kiserikali (NGOs) Mkoa wa Singida litakalo kwenda kinyume na malengo yake ya uanzishwaji litachukuliwa hatua kali za kisheria ikiwemo kufutiwa usajili wake.

Akizungumza kwa niaba ya Mkuu wa Mkoa wa Singida, Halima Dendegu ambaye alikuwa mgeni rasmi kwenye Jukwaa la Mashirika Yasio ya Kiserikali (NGOs) mkoani hapa, Apson alisema Serikali aitalivumilia shirika lolote litakalo kwenda kinyume na malengo yake yaliyomo kwenye nyaraka za usajili.

Mkuu huyo wa wilaya alisema lengo la jukwaa hilo ni kujenga uelewa wa pamoja kuhusu uratibu na usimamizi wa mashirika hayo na kujadili mchango wake katika maendeleo ya taifa.

Apson alitaja malengo mengine ya jukwaa hilo ni pamoja na kuimalisha uhusiano baina ya Serikali na mashirika hayo kama kauli mbiu ya jukwaa hilo inavyosema “ Mashirika yasio kuwa ya kiserikali ni mdau muhimu, washirikishwe kuhimarisha utawala bora”

DC Apson alisema mashirika hayo ni wadau wa Serikali na yanatambulika kutokana na kazi nzuri yanazozifanya labda tu atokee mtu asieyaelewa na kusema hazioni kazi zinazofanywa na mashirika hayo.

Mdau wa jukwaa hilo ambaye pia ni Mkurugenzi Mtendaji wa Shirika la Sustainable Environment Management Action - SEMA lenye makao yake makuu mkoani Singida, Ivo Manyaku alisema mashirika hayo yanatakiwa kila baada ya miezi mitatu kutoa taarifa ya utendaji wa kazi zao kwani ni takwa la kisheria.

“Jamani sisi kama wana sekta tujitahidi sana kutoa taarifa ya kile ambacho tunakifanya,” alisema Manyaku.

Manyaku alisema kwa kufanya hivyo itaonesha uhai wa shirika husika kwa kile inachokifanya na si vinginevyo.

“Inawezekana ukawa huna mfadhili wala bajeti lakini ukawa unafanya shughuli kama za msaada wa kisheria uhitaji hata bajeti lakini unazifanya katoe taarifa kuwa umezifanya,” alisisitiza Manyaku.

Aidha, Manyaku alisema katika taarifa yao inaonesha wamechangia Sh. Bilioni 14.7 lakini walipo zichambua inaonekana ni NGOs nne tu zilizochangia hivyo wanapaswa kuangalia mambo kadhaa kama takwimu, idadi ya wanufaika waliowafikia ikiwemo taarifa zao za fedha.

Manyaku aliongeza kuwa kupitia fedha hizo zilizotajwa hapo juu Sh. Bilioni 14.7 miradi mbalimbali imetekelezwa kwa mwaka 2023/ 2024 mkoani Singida na kuwanufaisha jumla ya wananchi 1, 104, 432 sawa na asilimia 55 ya idadi ya watu waliopo Mkoa wa Singida kwa sensa ya mwaka 2022.

" Huu ni mchango mkubwa katika kuchangia maendeleo ya Mkoa wa Singida na kama NGOs tunajivunia kwa kuwa sehemu muhimu ya kuchangia maendeleo ya mkoa wetu," aliseama Manyaku.

Mdau wa jukwaa hilo ambaye pia ni Mkurugenzi Mtendaji wa Shirika la Sustainable Environment Management Action - SEMA lenye makao yake makuu mkoani Singida, Ivo Manyaku, akizungumza.Mwakilishi wa Baraza la Mashirika Yasiokuwa ya Kiserikali (NaCoNGO) Mkoa wa Singida, Happy Francis akizungumza kwenye jukwaa hilo.

Mwezeshaji Onesmo Mdegela kutoka Taassi ya Kuzuia na Kupambana na Rushwa (TAKUKURU) Mkoa wa Singida , akitoa mada kuhusu rushwa kwenye uchaguzi.Afisa Msimamizi wa Kodi kutoka Mamlaka ya Mapato Tanzania (TRA) Makao Makuu Dar es Salaam, Alex Mwambenja akitoa mada kuhusu uzingatiaji wa ulipaji kodi.Afisa Maendeleo ya Jamii Mkoa wa Singida Dkt. Patrick Kasango, akichangia jambo kwenye jukwaa hilo.

Washiriki wakiwa kwenye jukwaa hilo.

Jukwaa hilo likiendelea

Wakurugenzi wa NGOs wakiwa kwenye jukwaa hilo. Kutoka kushoto ni Mkurugenzi wa Shirika la Singida Fighting Against Youths Challenges (SIFAYCO) Hussein Mseule, Mkurugenzi wa Shirika la Jamii Bora Development Initiative (TBDI) Sara Kumbi, Afisa Mtendaji Mkuu (CEO) wa Shirika la Community Empowerment Organization, Meringe Mbusi na Mkurugenzi wa Board Chairman Genoveive Celebrat Palsy Foundation (GCP) , Frank Malulu

Afisa Mtendaji Mkuu (CEO) wa Shirika la Manyoni Development Foundation (MADEFO), Adam Mayo akichangia jambo kwenye jukwaa hilo.

Katibu wa Shirika la Jiokoe na Umaskini yaani Stars of Poverty Rescue Foundation, Tanzania (SPRF), Dkt.Mick Ulaya akionesha bidhaa zinazotengenezwa na shirika hilo.

Jukwaa hilo likiendelea. Kulia ni Mkurugenzi wa Shirika la Lank Against Poverty (LAP), Nason Nason na kushoto ni Mkurugenzi wa Shirika la Iguguno Development Foundation (IDEFO) Vicky Mwaisakila.

Wajasiriamali kutoka Shirika la Trees for the Future wakionesha bidhaa za mboga mboga wanazolima

Baadhi ya Washiriki wa jukwaa hilo wakiwa katika picha ya pamoja na mgeni rasmi.

Baadhi ya Washiriki kutoka makundi maalumu wakiwa katika picha ya pamoja na mgeni rasmi na viongozi wengine mashirika yasiyokuwa ya kiserikali mkoa wa singhidakatika jukwaa hilo.