MWANAMKE AUAWA KWA KIPIGO NA MPENZI WAKE SINGIDA

p>

Waombolezaji wakiwa mbele ya jeneza lenye mwili wa marehemu   Zainabu Mwangu (52) mkazi wa Misuna Manispaa ya Singida, anayedaiwa kufariki kutokana na kipigo cha mpenzi wake aliyekuwa akiishi naye.

......................

Na  Dotto Mwaibale

MWANAMKE Mmoja mkazi wa Misuna Manispaa ya Singida, Zainabu Mwangu (52) amefariki dunia baada ya kujeruhiwa vibaya sehemu mbalimbali za mwili wake na mwanaume aliyekuwa akiishi naye waliyemtaja kwa jina moja la Justine.

Mwenyekiti wa Serikali ya Mtaa wa Misuna, Hamisi Lisu akizungumzia tukio hilo alisema kwamba tukio hilo lilifanyika usiku wa kuamkia Agosti 6, 2024 ambapo jana majira ya asubuhi alipigiwa simu na mjumbe wa nyumba kumi wa eneo hilo akimfahamisha kuwa katika mtaa wao kuna tukio na kabla ya kwenda eneo la tukio alimpitia mkuu wa polisi wa kata hiyo na kwenda naye ,” alisema Lisu.

Alisema baada ya kufika nyumbani kwa marehemu akiwa ameongoza na baadhi ya ndugu zake marehemu akiwepo mama yake walimkuta Zainabu Mwangu ( Maarufu Mama Khadija) akiwa amelala chini ya kitanda akiwa hana nguo na  mwili wake ukiwa na majeraha sehemu mbalimbali na walipomuuliza kilichomsibu aliwajibu kwa shida kwa kutamka neno moja tu simu.

Alisema walimchukua kwenda naye Hospitali ya Sokoine lakini alikuwa hajiwezi kutokana na kuwa na maumivu makali na wakati akipatiwa matibabu alifariki.

Lisu alisema asubuhi hiyo baadhi ya majirani  kiwepo baba ya marehemu walimuona mwanaume huyo aliyekuwa akiishi na marehemu akipiga mswaki nje ya nyumba ya marehemu na walipomuuliza kuhusu hali ya mwenzake aliwaambia kuwa hajambo.

Mjumbe wa nyumba kumi wa eneo hilo shina namba 17, Rehema Athuman alisema kwamba walipofika ndani walikuta fimbo ambayo ilikuwa imechanika chanika ikiwa na damu na mwili wa marehemu ukiwa una majeraha ya kama mtu aliyekuwa amekatwa katwa na kitu kama wembe hasa sehemu za tumboni, kifuani na maeneo mengine ya mgongoni.

Baadhi ya wanawake wa mtaa huo wameonesha kusikitishwa mno na kitendo hilo kilichopoteza uhai wa Zaituni ambaye wamesema alikuwa akifanya kazi nyumba ya kulala wageni ya Buziluga iliyopo mjini Singida.

Kamanda wa Polisi Mkoa wa Singida Kamishna Msaidizi Mwandamizi wa Polsi (SACP) Amoni Kakwale amethibitisha kutokea kwa tukio hilo na kueleza kuwa taarifa kamili ataitoa baadae. 

Kwa upande wake Mwenyekiti wa Shujaa wa Maendeleo na Ustawi wa Jamii (SMAUJATA) Mkoa wa Singida, Ambwene Kajula alisema vitendo vya ukatili kwa wanawake na watoto havikubaliki hata kidogo na aatumia nafasi hiyo kulaani kitendo achofanyiwa Zainabu Mwangu. 

 

Waombolezaji wakiwa wamebeba jeneza lenye mwili wa marehemu Zainabu Mwangu.

Ustadhi Said Mpway akiongoza kutoa mawaidha kabla ya maziko ya Zainabu Mwangu.

Balozi wa Mtaa wa Misuna, Rehema Athuman akizungumzia tukio hilo.

Wazee wa Kata ya Misuna wakiwa kwenye msiba huo.

Nyumba ya marehemu alifanyiwa ukatik huo na mpenzi wake.