DKT. MWIGULU: RAIS SAMIA AMETUVUSHA KATIKA KIPINDI KIGUMU, TUMUOMBEE

Sheikh wa Mkoa wa Singida, Issa Nassoro (katikati) akiongoza dua maalumu ya kumuombea Rais Samia Suluhu Hassan, Hayati Rais Mstaafu Ali Hassan Mwinyi na Taifa iliyofanyika Aprili 7, 2024 katika viwanja vya Ikulu ndogo mkoani Singida.

.....................................

Na Dotto Mwaibale, (Singidani Blog)

WAZIRI wa Fedha Dkt. Mwigulu Nchemba amesema kwamba Rais Samia Suluhu Hassan amewavusha Watanzania katika kipindi kigumu hivyo tuendelee kumuombea.

Mwigulu aliyasema hayo wakati akitoa salamu za Rais katika futari iliyo andaliwa na Rais Samia Suluhu Hassan kwa waislamu na wananchi wa Mkoa wa Singida ambayo ilikwenda sanjari na dua ya kumuombea Rais, Hayati Rais Mstaafu Ali Hassan Mwinyi na Taifa iliyoongozwa na Sheikh wa Mkoa wa Singida, Issa Nassoro akishirikiana na viongozi wengine  wa kiislamu kutoka Baraza Kuu la Waislamu Tanzania  (BAKWATA) Taifa.

"Mazingira ambayo Rais wetu aliachiwa nchi baada ya Rais wa Tano Hayati John Pombe Magufuli kufariki yalikuwa magumu huku dunia ikipita katika mtikisiko wa kiuchumi na hayakuzoeleka katika nchi yetu kwani baada ya kifo hicho hakuna alichokabidhiwa na miradi mingi ilikuwa chini ya asilimia 35 lakini alisimama kidete na miradi hiyo imeendelea bila kukwama hadi kufikia asilimia zaidi ya 95 huku mingine ikiwa imekwisha kamilika," alisema Mwigulu.

Alisema katika kipindi cha miaka mitatu Rais Samia ameweza kutoa fedha nyingi ambazo hazina mfano katika sekta za afya, ujenzi, elimu, umeme, kilimo na mingine mingi kiwango cha fedha ambacho akijawahi kutolewa katika awamu zote za marais waliotangulia.

Sheikh Swed Twaribu ambaye ni Mratibu wa Ofisi ya Mufti Kanda ya Kati alisema mtu ambaye ameshindwa kusikia juu ya mambo makubwa aliyofanya Rais Samia katika kutekeleza miradi hiyo  mbalimbali basi anaweza kuiona kwa macho zikiwemo barabara, miradi ya maji, umeme, Reli ya Kisasa ya SGR na mingine mingi ambayo inajieleza yenyewe mbele za wananchi.

Alisema katika kipindi chake hicho cha uongozi demokrasia imekuwa kubwa hapa nchini kwani ameruhusu shughuli za kisiasa kufanyika kwa uhuru mkubwa jambo ambalo limeleta utulivu wa nchi ikiwemo watu kuabudu pasipo kubughudhiwa.

Mkuu wa Mkoa wa Singida, Halima Dendego akitoa salamu za mkoa na mafanikio lukuki yaliyofanywa na Rais Samia Suluhu Hassan katika kipindi chake cha uongozi kwa miaka mitatu alisema ni mengi mno yamefanyika.

Dendego alitaja kwa ujumla wa mambo yaliyofanyika katika kipindi hicho kuwa ni ukusanyaji wa mapato, kuwawezesha wananchi kuchumi na kutoa mikopo ya asilimia 10 ambayo inatolewa katika Halmashauri, mpango wa kuhudumia kaya maskini TASAF, Maendeleo ya kilimo na mifugo.

Alitaja maeneo mengine yaliyopata mafanikio kuwa ni upimaji wa ardhi, misitu, maliasili na mazingira, viwanda na biashara, uvuvi, madini, maendeleo ya elimu, huduma za afya, maji, ujenzi, mawasiliano na uchukuzi na barabara (TANROADS na TARURA)

Dendego alitaja mafanikio mengine yaliyopatikana ni kwenye Shirika la Nyumba na Makazi, Wakala wa Majengo Tanzania (TBA), Nishati ya Umeme, Michezo na Utamaduni, Mapambano dhidi ya Rushwa na Dawa za kulevya, Mapambano ya Ukimwi, Malaria na ziara za viongozi.

Kwa niaba ya Wananchi Mkuu wa Mkoa wa Singida Halima Dendego alimshukuru Rais Samia Suluhu Hassan na Serikali yake anayoingoza  kwa kazi kubwa ya maendeleo aliyoifanya mkoani hapa katika kipindi cha miaka mitatu chini ya uongozi wake ambapo mkoa ulipokea Sh.Trioni 1.7 kutoka Serikali Kuu kwa ajili ya shughuli za uendeshaji pamoja na utekelezaji wa miradi mbalimbali ya maendeleo.

Katika futari hiyo Mkuu wa Mkoa wa Singida Halima Dendego amemwagiwa pongezi nyingi na wadau mbalimbali ambao wameeleza kuwa licha ya kuwepo mkoani hapa kwa muda mfupi tangu ahamishiwe akitoka Mkoa wa Iringa amekuwa na ushirikiano na makundi mbalimbali na kufanikisha kuandaa futari hiyo kwa niaba ya Rais Samia.

Hafla ya Futari hiyo ilihudhuriwa na viongozi mbalimbali wa madhehebu ya dini ya kiislamu na kikristo, viongozi wa kisiasa, Serikali, Wafanyabiashara, watumishi wa umma na sekta binafsi, wakurugenzi wa halmashauri, wakuu wa wilaya zote, wabunge na Waumini wa dini zote na wananchi.Waziri Fedha, Dkt. Mwigulu Nchemba akitoa salamu za Rais wakati wa futari hiyo.

Katibu Tawala Mkoa wa Singida, Dkt. Fatma Mganga akizungumza wakati wa futari hiyo.

Sheikh Swed Twaribu ambaye ni Mratibu wa Ofisi ya Mufti Kanda ya Kati, akizungumza kwenye hafla hiyo.

Dkt. Mwigulu Nchemba na Sheikh Swed Twaribu ambaye ni Mratibu wa Ofisi ya Mufti Kanda ya Kati wakishiriki kuomba dua wakati wa futari hiyo.

Mwenyekiti wa Chama Cha Mapinduzi (CCM) Mkoa wa Singida, Martha Mlata, akitoa salamu cha chama katika hafla hiyo.

Mbunge wa Singida, Magharibi, Elibariki Kingu, akizungumza kwa niaba ya wabunge wa Mkoa wa Singida katika Futari hiyo.

Sheikh Ally Mkoyogore (ULAMAA TAIFA) akizungumza kwenye Futari hiyo.

Mkurugenzi wa Halmashauri ya Wilaya ya Ikungi, akizungumzia mafanikio ya utekelezaji wa miradi mbalimbali baada ya Rais Samia kutoa fedha nyingi kwa halmashauri hiyo.

Viongozi mbalimbali wakiwa kwenye hafla hiyo ya Futari.

Furaha ikitamalaki kwenye hafla hiyo.

Mbunge wa Singida, Magharibi Elibariki Kingu na Mbunge wa Singida Kaskazini Ramadhani Ighondo (kulia) wakiteta jambo wakati wa futari hiyo.

Wanawake wa Kiislamu wakiwa kwenye hafla hiyo.

Mkuu wa Mkoa wa Singida, Halima Dendego akiwa kwenye futari hiyo. Kushoto ni Mwenyekiti wa CCM Mkoa wa Singida, Halima Dendego na katikati ni Katibu Tawala Mkoa wa Singida, Dkt. Fatma Mganga.

Taswira ya futari hiyo.

Wageni waalikwa wakiwa katika foleni ya kupata futari hiyo.

Picha ya pamoja na viongozi wa dini.