SIKUKUU YA EID EL-FITR ILIVYO SHEREHEKEWA ENEO LA UBUNGO SINGIDA, BIDHAA ZA AZAM ZA CHANGAMKIWA KAMA NJUGU

Hapa sio Mtaa wa Kongo jijini Dar es Salaam ambao unamsongamano mkubwa wa watu bali ni eneo la Ubungo Manispaa ya Singida ambapo wananchi wamefika kupata mahitaji yao mbalimbali kwa ajili ya kusherehekea Sikukuu ya Eid El-Fitr

--------------------

Na Dotto Mwaibale, (Singidani Blog)

SHEREHE ya Eid El-Fitr mkoani Singida imesherehekewa kwa amani na utulivu kufuatia jeshi la polisi mkoani hapa kuweka usimamizi mzuri katika maeneo mbalimbali yaliyokuwa na shamrashamra.

Miongoni mwa maeneo hayo ni pamoja na eneo maarufu sana la Ubungo ambalo wakati wote kunakuwepo na mahitaji ya vyakula mbalimbali kama vile, nyama choma ya kuku,mbuzi, ng'ombe, chips, ndizi na vyakula vingine vikiwepo vinywaji vya aina zote.

Katika eneo hilo pia zina patikana Ice Cream za Bakhresa zinazotengenezwa kupitia Kampuni ya AZAM na vinywaji vyepesi vinavyotumiwa na watoto kama vya ukwaju vikiwepo  vitafunwa vya aina mbalimbali, kaukau, sambusa, maandazi  na vichangamsha mdomo kama vile pipi za aina zote, ubuyu, chokureti na vingine vinavyofanana na hivyo.

Mbali ya kupatikana kwa vitu hivyo pia katika eneo hilo siku za sikukuu imekuwa ikipatikana huduma ya upigaji picha ambazo zinasafishwa papo kwa papo jambo ambalo watu wengi kutoka maeneo mbalimbali ya Manispaa ya Singida wamekuwa wakifika kupiga picha na familia zao na kuwa kivutio kikubwa kwenye eneo hilo  la Ubungo ambalo lipo katikati ya mji wa Singida.

Kivutio kingine kikubwa cha watu kuwapeleka watoto wao kusherehekea katika eneo hilo ni usalama uliopo kwani askari polisi wanakuwepo kwa ajili ya kuangalia fujo zisitokee na kuwavusha watoto kutoka upande mmoja kwenda upande mwingine na kuweka vizuizi vya magari kutopita katika eneo hilo.

Baadhi ya wananchi wameipongeza Halmashauri ya Manispaa ya Singida kwa kuruhusu eneo hilo kutumika kwa ajili ya biashara hizo ambapo waliomba liporeshwe zaidi kwa kuweka miundombinu rafiki kama vyoo na maji na wametumia nafasi hiyo kulipongeza jeshi la polisi kwa kupeleka askari wake kwa ajili ya kuhimarisha usalama.Hivi ndivyo ilivyokuwa kwenye eneo hilo.

Watoto wakinunua ubuyu kwenye eneo hilo.

Ubuyu ukinunuliwa.

Watoto wakiwa wamemzunguka muuza Ice Cream za Bakhresa ambazo zinatengenezwa na Kampuni ya AZAM kwa ajili ya kununua bidhaa hiyo pendwa hapa nchini na nchi jirani kutokana na ubora wake wa hali ya juu.