RAIS MWINYI:SERIKALI KUKABILIANA NA MARADHI YASIOAMBUKIZA

 Rais wa Zanzibar na Mwenyekiti wa Baraza la Mapinduzi Dk, Hussein Ali Mwinyi, akizungumza a na timu ya  Madaktari bingwa na Wataalamu  wa Maradhi  yasioambukiza  kutoka Geneva waliofika Ikulu kuonana na naye Novemba 12, 2024.

.......................................

Na Mwandishi Wetu, Zanzibar

Rais wa Zanzibar na Mwenyekiti wa Baraza la Mapinduzi Dk, Hussein Ali Mwinyi amesema maradhi yasioambukiza ni tatizo  linalokuwa  na linalohitaji  ushirikiano wa taasisi za ndani ya nchi na kimataifa katika  kulipatia njia Bora za kukabiliana nalo.

Rais Dk, Mwinyi ameyasema hayo  alipozungumza na timu ya  Madaktari bingwa na Wataalamu  wa Maradhi  yasioambukiza  kutoka Geneva waliofika Ikulu kuonana na naye tarehe 12 Novemba 2024.

Rais Dk,Mwinyi amefahamisha kuwa Zanzibar kama zilivo nchi nyengine duniani imekuwa  na wagonjwa wa wengi wa Maradhi yasioambukiza wanaoongezeka kila mwaka hivyo inahitaji kuungwa mkono katika juhudi zake za kudhibiti  ongezeko la wagonjwa wa aina hiyo.

Rais Dk, Mwinyi amebainisha kuwa Zanzibar inabeba mzigo mkubwa wa Usafirishaji wa Wagonjwa  kwenda nje ya nchi kutibiwa magonjwa mbalimbali  ikwemo  saratani hivyo suala la kujengewa uwezo  Wafanyakazi wa sekta ya afya ni la umuhimu mkubwa.

Halikadhalika Rais Dk.Mwinyi amesisitiza kwa Wizara ya afya kuendelea na mchakato wa mazungumzo na timu hiyo ya Madaktari bingwa  kwa dhamira ya kutafuta njia Bora utaalamu na upatikanaji wa dawa za kutibu Maradhi yasioambukiza .

Rais Dk, Mwinyi amewahakikishia Madaktari bingwa hao kuwa Serikali ipo tayari kushirikiana nao na kufanya kazi bega kwa bega kufanikisha lengo Lao la kuja nchini kubaini changamoto na  maeneo ya Ushirikiano katika Sekta ya afya.

Rais wa Zanzibar na Mwenyekiti wa Baraza la Mapinduzi Dk, Hussein Ali Mwinyi akisisitiza jambo wakati wa mkutano na madaktari hao.

Waziri wa Afya Zanzibar Mhe, Nassor Ahmed Mazrui, akizungumza na madaktari hao.

Rais wa Zanzibar na Mwenyekiti wa Baraza la Mapinduzi Dk, Hussein Ali Mwinyi akiwa katika picha ya pamoja na madaktari hao na viongozi wengine wa sekta ya afya.