Manunuzi na Ugavi ni Kitengo
kilichoanzishwa kwa lengo la kuleta ufanisi na kutoa huduma kwenye masuala ya
manunuzi, utunzaji na usambazaji wa bidhaa na huduma mbalimbali ndani ya
Serikali ya Jamhuri ya Muungano wa Tanzania ambapo kwenye ngazi ya mkoa kinaongozwa
na Afisa Ugavi Mkuu ambaye anawajibika kwa Katibu Tawala wa Mkoa.
Serikali kwa kutambua umuhimu wa kitengo hicho
ilianzisha Bodi ya Wataalamu wa Ununuzi na Ugavi (PSPTB) kwa ajili ya kusimamia viwango vya kitaalamu na maadili ya
wataalamu katika nyanja za manunuzi na vifaa.
Katika kutekeleza na kukamilisha jukumu hilo,
sheria ya kuanzishwa kwa bodi hiyo imeipa mamlaka PSPTB kutayarisha na
kuishauri serikali juu ya sera na yanayohusiana na taaluma ya manunuzi na
vifaa.
Kupanga, moja kwa moja, kuratibu, kufuatilia na
kudhibiti wafanyakazi mahitaji katika manunuzi na vifaa na usimamizi wa
taaluma.
Mambo mengine yanayofanywa na bodi hiyo ni kutoa
ushauri wa kitaalamu kwa kutambua nakutoa mafunzo kwa taasisi zote za ndani ya
nchi sadaka kozi katika manunuzi na vifaa na huduma za ushauri katika manunuzi
na usimamizi vifaa , vifaa vya utunzaji, usambazaji, ufungaji, usimamizi wa
kitaalamu, menejimenti ya mikataba na udalali.
Kuunda, kuanzisha na kutekeleza matengenezo ya
viwango vya maadili na kusimamia shughuli za wataalamu wa manunuzi, vifaa vya
wataalamu, wakaguzi manunuzi, vifaa na wakaguzi hisa, mafundi manunuzi na vifaa
mafundi na mazoezi ya taaluma ya manunuzi na usimamizi vifaa ;Kutoa mafunzo au
kutoa fursa kwa ajili ya mafunzo ya watu katika kanuni; taratibu na mbinu ya
manunuzi na usimamizi vifaa.
Kuendesha mitihani ya kitaaluma na na tuzo
nyingine ya bodi katika manunuzi na vifaa, ukaguzi wa manunuzi, vifaa na hisa
ukaguzi na masomo mengine yanayohusiana na manunuzi na usimamizi vifaa.
Kufanya usajili wa wataalamu wa manunuzi na
vifaa, kuweka na kudumisha madaftari ya usajili wa wataalamu wa manunuzi na
vifaa kwa mujibu wa PSPTB na kutathmini sifa za kitaaluma na vitendo kwa lengo
la usajili wa watu chini ya bodi hiyo.
Halikadharika majukumu mengine ya bodi hiyo ni
kudhamini, kupanga na kutoa vifaa kwa ajili ya mikutano, semina, mijadala na
mashauriano juu ya masuala yanayohusiana na manunuzi na vifaa vya usimamizi na
kuagiza ada inayolipwa kwa bodi ili kusaidia wanachama wa umma katika suala
hilo.
Kwa muktadha huo kila mwaka wafanyakazi wa Bodi
ya Wataalamu wa Ununuzi na Ugavi (PSPTB) wamekuwa wakifanya kikao cha baraza la
wafanyakazi kwa ajili ya kupanga mikakati kabambe ya kuboresha utendaji kazi.
Januari 15-16, 2026 wafanyakazi wa bodi hiyo
wamekutana mkoani Singida kwa ajili ya kuweka mikakati ya pamoja namna ya
kujadili utendaji wa kazi.
Mkurugenzi Mtendaji wa PSPTB, Godfred Mbanyi
akizungumza na waandishi wa habari wakati akifungua kikao hicho alisema
watakuwepo mkoani Singida kwa ajili ya kujadili mpango kazi wa kitaasisi pamoja
na kufanya tathimini ya utendaji ya mwaka uliopita na kuweka mkakati wa pamoja
wamaboresho katika idara mbalimbali na vitengo.
“Tunafanya kikao hiki ili tuweze kuendana na
sheria inayotuongoza kutekeleza majukumu yetu mbalimbali ya Serikali,” alisema
Mbanyi.
Mbanyi alisema baraza hilo la wafanyakazi huwa
linafanyika mara mbili na ni chombo cha kiuwakilishi na kuwa katika kikao hicho
kuna wakuu wa idara na vitengo vyote na kila kitengo kimetoa mwakilishi mmoja
mmoja wa kusikiliza na kuwasilisha mijadala ambayo wataona inafaa kwa maboresho
ya utendaji katika maeneo yao.
Alisema katika taasisi za Serikali mabaraza hayo
ya wafanyakazi yapo kwa mujibu wa sheria ya mahusiano kazini na katika
usimamizi wa ujumla wa kitaifa wapo chini ya ofisi ya waziri mkuu.
“Katika kikao hiki tutajadili utendaji wa nusu
mwaka katika mwaka huu wa fedha wa 2025/ 2026 tuangalie tumefanya nini wakati
tukijielekeza mwaka mpya wa fedha wa 2026/2027 na kuangalia maboresho zaidi na
kuona tunaendaje,” alisema Mbanyi.
Alisema katika kikao hicho pia watasikiliza maoni
ya wafanyakazi ambao hawapo kwenye vikao vya maamuzi na kuyapeleka kwenye vikao
vya menejimenti kwa ajili ya kuyafanyia kazi.
Kwa upande Mwenyekiti wa Chama
cha Wafanyakazi wa Serikali na Afya Tanzania (TUGHE), Tawi la Bodi
ya Wataalamu wa Ununuzi na Ugavi (PSPTB), Dodoma, Shilla Mwandu alisema
ushirikiano mzuri baina ya bodi hiyo na Tughe umeimarisha utendaji kazi kwa
watumishi.
“ Ushirikiano uliojengeka kwa muda mrefu baina ya
TUGHE na PSPTB umeongeza utendaji wa wafanyakazi kutokana na kuzitatua
changamoto zao mahali pa kazi,” alisema Mwandu.
Alisema TUGHE waliingia mkataba na bodi hiyo
tangu mwaka 2006 ambapo wamedumisha demokrasia ambayo imeimarisha uhusiano wao
na utendaji kazi na shughuli za taasisi hiyo.
Alisema chama hicho kimekuwa mkono wa mwajiri
pamoja na Serikali katika kutetea na kuimarisha mahusiano na taasisi hiyo.
Mwandu alisema chama hicho tangu kimeanza
wenyeviti wao wamebadilishana kwa awamu mbili na kumekuwa na demokrasia ya
kusikiliza maoni ya wafanyakazi na kufanya majukumu ya utendaji kufanyika kama
yalivyopangwa.
Alisema mshikamano huo baina ya uongozi wa chama
hicho na mwajiri haujawa tofauti na yeyote zaidi ya kuwaunganisha kama
watumishi wa umma.
Mwandu alitoa rai kwa taasisi nyingine za umma
ziwe na mabaraza ya wafanyakazi ambayo yatasaidia kuwawezesha wafanyakazi
kustawi kimasilahi na mambo mengine baada ya chama hicho kuchukua maombi yao na
kuyapeleka Serikali na kufanyiwa kazi.
Msimamizi wa Rasilimali Watu na Utawala PSPTB,
Nancy Mwamakimbula alisema kupitia baraza hilo wanategemea kupata maoni mengi
ya wafanyakazi ya kuboresha utendaji wa kazi.
Alisema katika baraza hilo pia watazungumzia
masuala ya bajeti na maoteo ya bajeti ya mwaka ujao wa 2026/ 2027 pamoja na
utekelezaji wake.
“Kimsingi tunatarajia baraza hili kuwa na manufaa
sana kwetu hasa katika maboresho ya utendaji kazi na kuboresha mambo yote
ambayo watumishi wote watatamani yaboreshwe yanayohusu taasisi na taaluma ya
Ununuzi na Ugavi nchini.
Mwenyekiti wa Chama cha Wafanyakazi wa Serikali na Afya Tanzania (TUGHE), Tawi La PSPTB-Dodoma. Shilla Mwandu akizungumza.
Afisa Rasilimali Watu na Utawala PSPTB, Nancy Mwamakimbula akizungumza
Wafanyakazi wa PSPTB wakishiriki kikao hicho
No comments:
Post a Comment